Гөлнурны бүләкләделәр

Инвалидлар декадасы тәмамланса да, мөмкинлекләре чикле булучыларга ярдәм кулы сузу дәвам итә. Әлеге декада кысаларында узган хәйрия акциясенә социаль иминиятләү фонды хезмәткәрләре дә кушылды.
Фондның төбәкара бүлеге идарәчесе Рамил Гайзатуллин исеменнән 8 санлы филиал директоры Әлфия Җиһаншина һәм район бүлекчәсе җитәкчесе Гөлгенә Мөхәммәтҗанова Яңа Әтнә авылында яшәүче Гөлнур Закированы якынлашып килүче Яңа ел бәйрәмнәре белән котлап, бүләкләр тапшырып кайттылар. Күңелгә җылылык бирү өчен әллә ни күп тә кирәкми шул.