Казанга юл тоткан самолет Түбән Новгородка төшеп утырырга мәҗбүр булган

(Казан, 29 декабрь, «Татар-информ»). Мәскәүнең «Шереметьево» аэропортыннан Казанга юл тоткан самолет томан аркасында Түбән Новгородка төшеп утырырга мәҗбүр булган, дип хәбәр иттеләр «Татар-информ» агентлыгына ТР Гадәттән тыш хәлләр министрлыгының ТР буенча Баш идарәсе матбугат хезмәтеннән.

«Аэрофлот» авиакомпаниясенә караган һава судносында 124 пассажир булган.

Чыганак: http://tat.tatar-inform.ru/news/2017/12/29/155227/