Күлле Кимедә асфальтны яңарттылар
"Дәүләтнең махсус Программасы нигезендә иске асфальт юл өстенә яңасы җәелде", - дип куана Күлле Киме авыл җирлеге башлыгы Хәмит Гәрәев.
Әлеге Республика Программасы "Торак пунктларда гамәлдәге асфальт-бетон өслеккә ремонт уздыру", дип атала. Гомуми кулланудагы автомобиль юлларын норматив хәлгә китерүгә нигезләнгән Программа бу.
Шул нигездә Күлле Кимедә тегермән кырыеннан "Молодежная" чатына кадәр - барысы 300 метр иске асфальт өстенә яңаны җәйделәр. "Волгадорстрой" оешмасы башкарды бу эшне. Кыскасы, Күлле Киме авыл клубы мөдире Чулпан Сәләхова әйтмешли:
- Авылыбыз көнннән-көн матурлана. Яңартылырга тиешле асфальт юл эшләнде. Барлык авылыбыз халкы исеменнән җитәкчеләргә, юл эшләүчеләргә рәхмәтебезне белдерәбез.Сәламәтлек, юлларда хәвеф-хәтәрсез йөрүләрен теләп калабыз, - ди ул.
Хәмит Гәрәев сүзләренә караганда, территорияне төзекләндерү Программасы да дәвам итә биредә. Шушы арада гына терлекчелек комплексы янында 50 төп чыршы утыртканнар. Көзен аларны аралаштырып, тагын 50 төп агач - миләш утыртырга ниятлиләр.
Фотолар Чулпан Сәләховадан алынды.
Следите за самым важным и интересным в Telegram-каналеТатмедиа
Нет комментариев