Өлкәннәрне куандырдылар

Инвалидлар декадасы кысаларында район башкарма комитеты тәкъдиме белән бер төркем мәдәният хезмәткәрләре Арча районында урнашкан "Өлкәннәр һәм инвалидлар өчен интернат йорт" социаль хезмәт күрсәтү дәүләт автоном оешмасында булып кайттылар. Буш кул белән түгел билгеле - эшмәкәрләр - бертуган Гыйләҗевлар һәм Ләйсән Гобәйдуллина биредә тәрбияләнүчеләр өчен тартма-тартма күчтәнәч тә илттеләр. Гармунчыларыбыз Фирдәвес Зарипов, Фарис Биккининнның татар халык көйләрен уйнавын, Лилия Хәкимова, Гөлүзә Сираҗиева, Лилия Галләмова, Мөнир Мәрданов, Лилия Хәйруллина башкаруында халык җырларын өлкәннәр бигрәк тә яратып кабул итте.