Рөстәм Миңнеханов губернатор-блогерлар рейтингында бер юлы 7 позициягә күтәрелде

(Казан, 22 ноябрь, «Татар-информ»). Россиянең "Медиалогия" компаниясе мәгълүматлары буенча Татарстан Республикасы Президенты Рөстәм Миңнеханов октябрьдә сылтама күп ясала торган губернатор-блогерлар рейтингында бер юлы 7 позициягә күтәрелде һәм дүртенче урынны биләде.

Лидерлар өчлеген янә Чечня башлыгы Рамзан Кадыров, Мәскәү мэры Сергей Собянин һәм Кырым башлыгы Сергей Аксенов тәшкил итә.

Октябрь нәтиҗәләре буенча лидерлар унлыгына беренче тапкыр Иванов өлкәсе губернаторы вазифасын башкаручы Станислав Воскресенский, Бурятия башлыгы Алексей Цыденов һәм Новосибирск өлкәсе губернаторы вазифасын башкаручы Андрей Травников кергән.

Татарстан Президенты сәүдә-икътисадый хезмәттәшлек буенча Россия-Төркия комиссиясе утырышыннан фото куеп, лидерлар дүртлегенә эләккән.

Чыганак: http://tatar-inform.tatar/news/2017/11/22/152854/