Татарстанлылар дәваланучы балаларга китаплар белән ярдәм итә ала

(Казан, 8 декабрь, "Татар-информ"). Татарстанлылар Яңа елны ДРКБда каршы алучы балаларга ярдәм йөзеннән хәйрия чарасында катнаша ала. Бу хакта китап кибетләре челтәре хәбәр итә.

1 гыйнварда республика хастаханәсендә 400ләп бала булачак. Теләге булган һәр кеше дәваланучы балаларга китап бүләк итә ала.

Моның өчен Казанда яисә Яшел Үзәндә "Читай-город"та балалар өчен язылган китапны сатып алып, аны кибеттә калдырырга була. Китапка Яңа ел теләкләре дә язарга мөмкин.

Әлеге акция Казанда һәм Яшел Үзәндә 11-25 декабрь көннәрендә дәвам итәчәк.

Чыганак: http://tatar-inform.tatar/news/2017/12/08/153889/