Түбән Бәрәскә авыл җирлеге һәм Ленин хуҗалыгы идарәсе коллективлары котлавы

Хөрмәтле Бөек Ватан сугышы ветераннары, сугышта катнашучылар, шул чорның авырлыкларын үз иңнәрендә күтәреп, әйтеп бетергесез батырлык күрсәтеп, бүгенге көндә дә безгә үрнәк булып яшәүче райондашларыбыз!

Сезне Ленин исемендәге хуҗалык хезмәтчәннәре һәм, шәхсән, үзебезнең исемнән Бөек Җиңүнең 72 еллык бәйрәме белән котлыйбыз.

Сугышны секундлар башлый, еллар гына тәмамлый һәм күпме корбаннар бәрабәренә төшкәнен дә шул чорны узган буын үзе генә белә. Без, аларның балалары, оныклары да оныта алмыйбыз. Чөнки яра бик тирән...

Ихлас котлавыбызны һәм рәхмәт сүзләребезне кабул итегез. Без Сезгә сәламәтлек, балалар, оныклар тәрбиясендә кадерле булып яшәвегезне телибез. Бүгенгебезнең хөрмәтле кешеләре булып, иминлектә куанып яшәргә насыйп булсын.

Түбән Бәрәскә авыл җирлеге һәм Ленин хуҗалыгы идарәсе коллективлары.