Әтнә лидерлыкка омтыла

Хәтерлисездер, республиканың төньяк районы саналган Әтнә 2017 ел урагы әле башланган гына чорда, министрлык биргән урып-җыю сводкасының "койрыгында"рак сөйрәлә иде. Соңгы көннәрдә башкарылган урып-җыю темпына караганда, тиздән югапрырак күтәрелү мөмкинлеге бар, дип язган идек.

Шул ук Татарстан авыл хуҗалыгы министрлыгының 27 августка биргән оператив мәгълүматларына караганда, Әтнә инде лидерлар арасына керде. Бездә урып-җыю барлык мәйданнарның 67 процентында башкарылды. Уңыш һәр гектардан 33,4 центнер тәшкил итә.

Иң зур уңыш Зәйдә - 50,1 центнер/гектар. Чистайда барлык мәйданнарның 72 процентында урып җыелган. Республика буенча урак 61 процент мәйданнарда башкарылды.