Әтнә сусыз калды

Әтнә сусыз калды

Узган атнаның шимбә көнендә Олы Әтнә авылының Интернациональ урамында яшәүче берәү үз өенә су кертергә теләп, трактор белән казыта башлап, су үткәргечен өзә. Нәтиҗә дә Олы Әтнә алының уң як ягы сусыз калды. Моннан тыш, су үткәргечен ялгату өчен Балтачтан белгечләрне чакыртырга туры килә. Башбаштаклыгы гаилә бюджетына зыян китерә. Үз белдегең белән казу эшләрен башкарырга ярамый. Иң элек район администрациясеннән казу эшләрен башкару өчен ордер алырга кирәк. Аны коммуналь хуҗалык, элемтә, газ оешмалары белән ризалаштырасың, бары тик аннары гына эшкә тотынырга мөмкин.