Әтнә терлекчелеге: сынау чорына керәбез

Татарстан авыл хуҗалыгы министрлыгының 12 октябрьгә биргән оператив мәгълүматларына караганда, районыбыз 168 тонна тулай савым алуга иреште. Узган елның шул ук чорындагыдан 22 тоннага күбрәк һәм республикада иң зур күрсәткечләрнең берсе бу. Бездә бер сыердан тәүлеклек уртача 23,7 килограмм сөт савып алынды. Бу күрсәткече белән икенче урында баручы көндәшнекеннән 3,8 килограммга күп. Шунысы игътибарга лаек, күмәк хуҗалыклар сөтне ай башына карата да киметмиләр. Ә башка барлык районнарда да ул сизелерлек дәрәҗәдә кими. Шул ук вакытта алдагы көнгә карата да ким сөт савучы районнар шактый. Күмәк хуҗалык терлекчелегенең кышка әзерлеге - терлек азыгының туклыклылыгы һәм сыйфаты сынала торган чорга керәбез.

Фото авторы Хәмит Бадиков