Әтнәләр җепшек кар көтегез

Татарстан Гидрометеорология һәм әйләнә-тирә мохитне күзәтү идарәсе мәгълүматларына караганда, бүген - 29 мартта, һава торышының бозылуы көтелә.

Төнлә һәм көндез республикада урыны белән томан төшә, күз күреме 500 метрдан да кимрәк булачак. Төнлә җепшек кар һәм яңгыр яву ихтималы да бар. Көндез явым-төшем күзәтелми.

Төнлә юлларда урыны белән бозлавык хасил булуы да мөмкин. Татарстанда уртача һава температурасы төнлә - 0-5 градус салкын, көндез исә 3-8 градус җылы булачак. 30 мартка каршы төндә җепшек кар, пыскак яңгыр ява, томан төшә. Һава температурасы 4 градуска кадәр салкынайта.

http://intertat.ru