Янгында 20 яшьлек кызның гомере өзелгән

Янгын бүген көндез булган.

(Казан, 28 сентябрь, «Татар-информ»). Кукмара районы Лельвиж авылында 140 квадрат метр мәйданда йорт яны корылмалары янган.

Янгынны сүндергән вакытта Гадәттән тыш хәлләр министрлыгы хезмәткәрләре 20 яшьлек кызның янган гәүдәсенә тап булган. Бу хакта «Татар-информ»га Россия гадәттән тыш хәлләр министрлыгының Татарстан буенча Баш идарәсе матбугат хезмәте җиткерде.

Янгын турында хәбәр ашыгыч хезмәтләрне чакырту 112 бердәм номерына бүген 10.57 сәгатьтә барып ирешә. Кызның үлем сәбәпләре ачыклана.