"Яшьләр тукталышы"- Әтнәдә

"ТНВ килгән икән! "- шулай зурлап, яратып сөйләшә беләбез. Чынлап та бүген, ТНВның "Яшьләр тукталышы" тапшыруы Олы Әтнәдә.

Ниләр төшерәләр икән? Беләсегез киләдер. Килүнең төп максаты- Әтнә дәүләт драма театрының Ч.Айтматов "Гүзәлем Әсәл" спектакле.

- "Гүзәлем Әсәл"не төшерделәр, артистларыбыз белән әңгәмә кордылар. Иң күңеллесе, сокландырганы, горурландырганы: режиссерыбыз Рамил Фазлыевның укучылары кайткан иде, беррәттән бик җанлы әңгәмә дә кордылар... - ди театрыбыз директоры Ленур Зәйнуллин.

Фотоларда - театрдагы очрашу...

Театрдан тыш, Г.Тукай исемендәге авыл хуҗалыгы техникумындагы яшьләр тормышы, аларның укулары, укудан тышкы эшчәнлекләре дә кызыксындырды ТНВ хезмәткәрләрен... Аллага шөкер, күрсәтерлегебез бар шул. Карарбыз тапшыруларны...

Фотода- техникум яшьләре...