Юк, яшермим!..

Җаным чиста

Юк яшермим! Каралтырга теләп
Учлап гайбәт салып җаныма,
Арттан көлеп йөрүчеләр булды
Үзен дуска санап янымда.

Югалтмадым, ни генә булса да,
Саклап калдым дуслык хакын мин.
Юк, мактанмыйм! Купме болгатсаң да,
Чиста җанга кара ягылмый.

Күпме чистартсаң да сазның суын
Була алмаган күк тазартып,
Тырышмагыз! Усал гайбәт белән
Чиста җанны булмый каралтып.

Юк, яшермим! Иске дусларым бар,
Әлегә юк минем дошманым.
Ачу саклый белмим, холкым шундый
Җаным чиста, бәлки шуңадыр.

Салиха Гаязова