"Булдыра бу егетләр...- үзебезнекеләр!"

Дөресрәге, студент егетләре сокландыра. Замана яшьләре бүген нинди сүзләр генә ишетмиләр. Алар белемле дә, алар "булдыксыз" да, ялкау дип сүгүчеләр дә җитәрлек. 

Тик замана яшьләренә Аллаһы Тәгалә мидәт-куәт бирсен, бик авыр замана калдырабыз аларга. Уку түләүле, эше юк, фатир-йорты тагын акчага терәлә.  Менә мондый сынау  кайсын көчле итә, кайсын юлдан яздыра... Ә авыл балалары, ни әйтсәң дә, тырыша-тырмаша әле. Бәрәскәнең студент егетләре дә сөбханалла, җәйге чорда авыл җирлегенә булыша алар. 

- Авылыбызның егетләре "Акый" чишмәсен чаптылар. Сөбханалла, куллары эшкә ятып тора", - дип соклана Бәрәскә авыл җирлеге башлыгы Аида Фатыйхова.

Эшләгәннәре җирлеккә булса, өйрәнүе, чыныгуы үзләренә. Өлкәннәр безне дә шулай эшләтә иде.  Егетләрне бәхетле киләчәк көтсен, чишмә чистарту - изге эш ул. Ә аның әҗере озак көттермәс.