Мәктәпкә җыенырга ярдәм итик

Әлеге акция 7 августта старт алган иде. «Мәктәпкә җыенырга ярдәм ит!» акциясенең максаты – күп балалы гаиләләрдә тәрбияләнүче һәм инвалид балаларга мәктәпкә әзерләнергә ярдәм итү. Елның-елында район оешмалары, эшмәкәрләр, изге күңеллеләр әлеге акциягә кушылалар.
Бүгенге көндә “Изгелек” социаль хезмәт күрсәтү үзәгенә 12 оешмадан канцтоварлар китерелгән. “Хәйрия акциясе 17 августка кадәр дәвам итә. Теләге булган һәркемне хәйрия акциясенә кушылырга чакырам”, – диде үзәк җитәкчесе Зөлфирә Сәләхова.