Татарстанда счетчик күрсәткечләрен Лилия исемле робот кабул итәчәк

Татарстан министрлар кабинетында узган цифрлы трансформациягә багышланган утырышта Татарстан Республикасы Мәгълүматлаштыру һәм элемтә министры Айрат Хәйруллин кызыклы яңалык әйтте. Якын киләчәктә Татарстанда счетчик күрсәткечләрен «Телеграм», «ВКонтакте» яки... Лилия исемле робот аша биреп булачак. Моңарчы газ, ут, су өчен исәп-хисап күрсәткечләрен кем ничек бирә иде. Кемдер телефон аша, кемдер сайтта, кемдер түләү башкарганда. Хәзер бу ысулларга яңалары да өстәлергә тора. 

Чыганак: https://matbugat.ru/news/?id=29807