"Игътибар – балалар!"
Балалар арасында юл һәлакәтләрендә травма алу куркынычын киметү максатында 23 августан 5 сентябрьгә кадәр Татарстанда шул исем астында профилактик чаралар уза.
Узган жиде ай эчендә республика юлларында 16 яшькә кадәр балалар катнашында барлыгы 271 юл һәлакәте теркәлгән. Аларда 11 бала үлгән һәм 286 бала тән җәрәхәтләре алган.
Статистика буенча, 16 яшькә кадәр балалар катнашында килеп чыккан юл һәлакәтләренең өчтән бер өлеше елның нәкъ менә шушы фасылы белән бәйле.
"Игътибар - балалар!" чарасы кысаларында ЮХИДИ хезмәткәрләре тарафыннан балигъ булмаган балаларны транспорт чарасында йөртү, машина йөртүчеләрнең җәяүлеләргә өстенлек бирүе буенча юл кагыйдәләренең үтәлеше буенча рейдлар үткәреләчәк.
Следите за самым важным и интересным в Telegram-каналеТатмедиа
Нет комментариев