Юл хәрәкәте кагыйдәләре буенча ярыш узды

Чара кунагы, «Юл хәрәкәте иминлеге» дәүләт бюджет учреждениесенең Биектау бүлекчәсе начальнигы Сафиуллина Алсу Рәшит кызы бүгенге көндә балаларның юлларда иминлеге җитди проблема булып тора, дип сөйләде. Күпләр җәяүлеләр өчен юл хәрәкәте кагыйдәләрен белмиләр һәм үтәмиләр, һәм бу бик еш юлларда үлемгә һәм җәрәхәтләргә китерә. Видеоролик ярдәмендә балалар юл билгеләре белән таныштылар һәм уен ярдәмендә юлны дөрес үтү турында белемнәрен ныгыттылар, урамның юл өлешендә үз-үзеңне тоту кагыйдәләре турында үз күзаллауларын киңәйттеләр. Юл хәрәкәте кагыйдәләренә багышланган китап күргәзмәсе әлеге тематика буенча сорауларга җавап табарга ярдәм итәр.