Янгын сүндерүчеләргә Мамадышның Пионерская урамындагы бер катлы агач йортта янгын чыгуы турында хәбәр килгән. Янгын сүндерү барышында 47 яшьлек хатын-кыз һәм 50 яшьлек ир-атның мәетләре табылган.
Янгын мәйданы 50 квадрат метр тәшкил иткән. Янгын сәбәбен тикшерүчеләр ачыклаячак. Версияләр арасында тәмәке тартканда саксызлык очрагы да бар. Тикшерү бара. Россия Гадәттән тыш хәлләр министрлыгы искәртә: караватта тәмәке тартмагыз; тәмәке тарту урынын көл савыты белән җиһазлагыз; тәмәке төпчекләрен балконнан ташламагыз, сүндерелмәгән тәмәке янгын сәбәбе булырга мөмкин; янгын турында хәбәр итү җайланмасын урнаштырыгыз – ул куркыныч турында вакытында кисәтергә мөмкин. Янгын вакытында 101 яки 112 номерларына шалтыратыгыз.
Нет комментариев