Әтнә таңы

Әтнә районы

18+
2024 - Гаилә елы
Хәбәрләр

Мәләкәс фаҗигасендә гаепләнүче Тимурның әтисе авылдашларына мөрәҗәгать итте

Атна башында Чаллы янында урнашкан Мәләкәс авылында булган канлы вакыйга бөтен республика халкын тетрәндерде.

Мәләкәс фаҗигасендә гаепләнүче Тимурның әтисе авылдашларына мөрәҗәгать итте. Әлеге видео «Шәһри Чаллы» газетасы сайтында чыкты. 

Тикшерүчеләр фаразлавынча, 25 яшьлек Тимур яшь кәләше Алсуны һәм аның туганын пычак белән кадап үтерә. Аннары үзенә кул сала. Өч көн алда гына никахларын рәсмиләштерүне бәйрәм иткән парны икесен янәшә җирләделәр.

Мәләкәс халкы бу фаҗигадә Тимурның гаепле булуына ышанмый. «Әнисеннән иртә калып, тырыш, итәгатьле булып үскән, җир җимертеп дөнья көткән егетнең яраткан хатынына кулы барыр микән?!» — ди алар. Прохоровларны җирләргә дә бөтен авыл, хәтта тирә-як халкы җыелды. Төпчек улын югалткан, авыр кайгыга дучар булган Радик Прохоров бүген «Шәһри Чаллы» журналистлары аша Мәләкәс халкына тирән рәхмәтләрен җиткерде.

«Әгәр авылдашларым хәсрәтле вакытыбызда иңнәрен куймасалар, Тимурыбызның гаепсез булуына ышанмасалар, бу кайгыны күтәрә алмас идек!» — диде ул.

Чыганак: https://intertat.tatar/news/incident/27-01-2022/m-l-k-s-fa-igasend-gaepl-n-che-timurny-tise-avyldashlaryna-m-r-gat-itte-5848081

Следите за самым важным и интересным в Telegram-каналеТатмедиа


Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев

https://youtu.be/R9_t8i8Uw3o