(Казан, 20 июль, "Татар-информ"). Башкортстанда "Хуҗалык итүнең кече формаларына дәүләт ярдәме һәм авыл җирлекләренең тотрыклы үсеше" III Бөтенроссия семинар-киңәшмәсе үтә. Бу хакта "Башинформ" хәбәр итә.
Семинарда катнашучылар арасында Россия субъектлары авыл хуҗалыгы комплексы идарә органнары җитәкчеләре, муниципалитет башлыклары, авыл һәм крестьян (фермер) хуҗалыклары җитәкчеләре булачак.
III Бөтенроссия семинар-киңәшмәсе эшендә Россия авыл хуҗалыгы министры урынбасары Иван Лебедев, ә Татарстаннан республика Авыл хуҗалыгы министры урынбасары Николай Титов катнашыр, дип көтелә.
Бүген делегатлар Башкортстанның агросәнәгать комплексы объектларында, социаль һәм инженер инфраструктураларда булачаклар, авыл хуҗалыгы продукциясен җитештерү, эшкәртү объектларын караячаклар.
Нет комментариев