Әтнәләр дә "Җиңү бакчасы" акциясенә кушылды

"Бердәм Россия" сәяси партиясенең "Бакчачының йорты - гаилә терәге" федераль проекты кысаларында "Җиңү бакчасы" акциясе бөтен Россия буенча киң колач алды. Шушы уңайдан "Бердәм Россия"сәяси партиясенең Әтнә җирле бүлеге, "Молодая гвардия"яшьләр иҗтимагый оешмасы активистлары катнашында Бәрәскә мәктәбе һәм балалар бакчасында җиләк-җимеш агачлары утыртылды. Әлеге чарада Дәүләт думасы депутаты Илдар Гыйльметдинов, дәүләт советы депутаты Рауль Рәхматуллин, район советы аппараты җитәкчесе Гөлнара Гәләүтдинова, ветераннар советы рәисе Мингазиз Зиннәтов, "Ленин" күмәк хуҗалыгы рәисе Илгиз Хәйруллин һәм партиянең региональ башкарма комитеты вәкилләре катнашты.