Әтнәдә БДТ - яхшы, ТДИ әлегә билгесез

5 һәм 6 гыйнвар көннәрне район күләмендә 9 сыйныфта укучылар рус теле, математика фәннәреннән "пробный ОГЭ" - ТДИ (төп дәүләт имтиханы) бирделәр. Нәтиҗәләре әлегә билгеле түгел. Ә менә Күшәр мәктәбендә узган ай ахырында шулай ук 9 сыйныфлар җавап тоткан тест нәтиҗәләре билгеле. Мәктәпнең 9 сыйныфта белем алучы 5 укучысы татар теленнән Бердәм дәүләт тесты биргән. Директорның уку-укыту буенча урынбасары Инзилә Һашимова нәтиҗәләрнең әйбәт булуы турында әйтте.