Бик уңайлы... укыгыз гына

Татарстан китап нәшрияты генераль директоры Илдар Сәгъдәтшинның «Әтнә таңы» газетасы электрон почтасына язган хатын кызыксынып укыдым.
"Милләттәшләребезгә кызык булырдай яңалыгыбызны җиткерәсем килә: интернетта Татар әдәбияты үзәге ачылды. Аны www.tatkniga.ru адресы буенча карарга мөмкин. Үзәкне татар китапларын берләштергән иң зур ресурс дип атарга ярыйдыр: биредә 1500 исемдә китап урнаштырылган һәм аларның күбесен бушлай укырга мөмкин.
- Сез яшәгән төбәктәге милләттәшләребезгә бу сайтның барлыгын җиткерсәгез иде", - дип яза ул.
Үзем дә кызыксынып Илдар әфәнде күрсәткән электрон адрес буенча регистрация үттем. Дөрес­тән дә бик уңайлы. Инде регистрация үтеп, үземне кызыксындырган китаплар исемлеген күргәч, шатланып куйдым. Вакыт табып укы гына. Хөрмәтле газета укучыларыбыз, сезгә дә әлеге Татар әдәбияты үзәгенә керергә тәкъдим итәм.