Этләргә ашатырга ярыймы?

Язылганга кире кайтып
بسم الله الرحمن الرحيم* السلام عليكم ورحمة الله وبركاته!ــــ
Корбанга чалган хайванның ите, эче-бавыры һәм сөякләреннән фетиш - табыну гонсыры - элементы ясарга ярамый.

Корбанлык итләрнең пешереп ашарга мөмкин булган бөтен барлыгын да ризык итеп кулланалар. Сөякләре, тояк-мөгезләре көндәлек тормышта кулланыла торган хайваннарныкы шикелле итеп, гомуми санитария кагыйдәләренә яраклы рәвештә калдыкка чыгарыла. Итләре белән сөякләрен эт-мәчеләргә ашату һәм кимертүдә гонаһ юк. Тиресен иләп сатып, акчасын хәергә бирү яхшы! Ә менә корбанлыкның эчәк һәм башларын эшкәрмичә җиргә ташлауда иң элек санитария кагыйдәсе бозыла, ә моның нәтиҗәсе, шулай ук гонаһ кылуга барып тоташа!

Искәрмә бары тик бала туу хөрмәтенә адарынып суйган корбанлыкның сөякләренә генә кагылыа; беренчедән сөяккә пычак тидермичә, корбанлыкны бөтен килеш пешерү мактала. Икенчедән, гакыйка - бала туу хөрмәтенә чалынып кулланылган хайванның сөякләрен күмәргә киңәш ителә.