Казанда баласын чүп савытына ташлаган ана табылган

Полиция хезмәткәрләре Казанда яңа туган баласын чүп савытына ыргыткан дип фаразланылган бер хатынны кулга алдылар, дип хәбәр итә «Татар-информ» мәгълүмат агентлыгына хокук саклау органнары чыганагы.

Исегезгә төшерәбез, 27 февральдә Габишев урамының 35 нче йорты янында, урам җыештыручы, чүп җыю мәйданчыгындагы чүп савытында яңа туган бала гәүдәсенә тап була. Ни сәбәпле үлүен ачыклау өчен, баланың җәсәде, суд-медицина тикшерү органнарына тапшырыла.

Чыганактан алынган мәгълүмат буенча, тоткарланган хатын - Үзбәкстан гражданы, 29 яшендә. Алдарак әйтеп узганча, ул бала җәсәде табылган урыннан ерак түгел генә бер йортта яши.
Чыганак: http://tatar-inform.tatar/news/2017/03/04/136169/