Казанда “Старый амбар” трактирында янгын булды - видео

Янгын сүндерүчеләр килгәнче кунаклар һәм персонал трактирдан чыкканнар.

(Казан, 1 апрель, "Татар-информ"). Казанда Ф.Әмирхан проспектында "Старый амбар" трактирында янгын узган төндә булды, дип хәбәр иттеләр "Татар-информ" агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә.

Янгын турында хәбәр 22.39 сәгатьтә 112 номерына килгән һәм 0.22 сәгатьтә янгынны тулысынча сүндергәннәр.

Шаһитлар сүзләренчә, 6 янгын машинасы һәм 3 автобаскыч эшләгән. Янгын сүндерүчеләр килгәнче кунаклар һәм персонал трактирдан чыкканнар.

Янгын вакытында Әмирхан проспекты буенча хәрәкәт чикләнгән.