Райондашларның ышанычы арткан

Гадәттә, порталда безнең район халкыннан квартал буена 2-3 гариза теркәлсә, агымдагы елның июль аенда гына 4 мөрәҗәгать кергән.

Аларның барысы да юл хәрәкәте һәм юл билге­ләре белән бәйле - барысы да уңай хәл ителгән.
Август башында исә Күлле Киме авылыннан "Лесопосадка"да хасил булган чүплекне чистартып юк итүне сорап язганнар. Бу гариза да уңай хәл ителгән. Проблема Татарстан Республика­сы­ның экология һәм та­бигый ресурслар министрлыгы күрсәтмәсе нигезендә уңай чишелеш тапкан. Министрлыкның Төньяк территориаль идарәсе: "Санкция­ләнмәгән чүплек юкка чыгарылды", дип хисап тоткан.
Ә менә ташландык йорт буенча бирелгән со­рауны мотивацияле рә­вештә кире какканнар. Шул ук август аенда "Сук­мактан үтүче балалар өстенә ишелү ихтималы булган ташландык йорт коймасын" сүтеп юкка чыгаруны сорап яз­ган мөрәҗәгатькә Әтнә муниципаль районы башкарма комитеты җавап биргән. Анда: "Олы Әтнә авыл җирлеге хез­мәткәрләре картада күрсә­телгән бу участокта булдылар. Фотография­дәге фактлар расланмады. Гариза язучының төгәл адресы һәм контактлары булмау сәбәп­ле, участокның адресын ачыклап булмады", диелгән. Гариза язучы: "Акрын эшлисез, инде үзебез төзәтеп куйдык", дип үпкәсен белдерсә дә, фактны танырга кирәк - хә­бәр аноним булмасын һәм кире элемтәгә чыгу мөм­кинлеге булсын иде.
Сентябрь аенда Каенсар авылыннан интернет сыйфатына бәйле мө­рәҗәгать кергән. Интернет начар эшләү сәбәпле, кай­бер көнне балаларның өй эшләрен дә карый ал­маулары - факт. Дөрестән дә, "Таттелеком" бе­лән килешүдә ай саен 515 сумга 4 Мбит/с тизлек­тәге интернет бирелергә тиеш. Ә Казандагы оешма операторы: "Сездә 0.20 Мбит/с гына... Зурра­гын аларның борынгы заман җиһазлары тарта алмый", дигән. ПАО "Таттелеком" Каенсарга җепсел-оптикалы элемтә линиясе булдыры­лачагын хәбәр итә. Көтеп карыйк...
Яңарак кына Комыргу­җа авылына кергәндәге асфальт юлның нык пыч­рак булуын хәбәр иткәннәр. "Главтатдортранс" мо­ны уңай хәл итәр­гә ышан­дыра. Кабат кө­тәргә кала...