Россия спортчылары 2018 елгы Олимпиадада нейтраль әләм астында гына чыгыш ясый алачак

(Казан, 5 декабрь, "Татар-информ"). Халыкара Олимпия комитеты Россия спортчыларына 2018 елда Көньяк Кореянең Пхенчхан шәһәрендә узачак Олимпия уеннарында нейтраль әләм астында гына чыгыш ясарга рөхсәт бирде.

Моннан тыш Россия милли җыелмасы якындагы Уеннардан читләштерелә. Бу хакта Халыкара Олимпия комитеты рәсми сайтында хәбәр ителә.

Бу хактагы карар Швейцариянең Лозанна шәһәрендә Халыкара Олимпия комитеты Башкарма комитеты утырышында кабул ителде.

Халыкара Олимпия комитеты Россия Олимпия комитетының оешмадагы әгъзалыгын да туктатты.

Чыганак: http://tatar-inform.tatar/news/2017/12/05/153735/