Татар кызы мин

"Бу кем тагын?" дип,
Утырасызмы шаккатып.
Мин- Рүзилә Зарипова,
Сөйлим хәзер аңлатып.
Кышлау авылында тудым,
Көзнең соңгы аенда.
Зур гаиләдә яшим хәзер,
Укыйм туган авылымда.
Әтием йөри ерак юлларда
Һәр көн машинасында.
Алмаз абый каты тора,
Бармыйм, дип әйтеп кара.
Әнием почтальон минем,
Һәр өйдә көткән кунак.
Субсидия-пенсияләр -
Һәрбер кешегә кирәк.
Абыем укый Әтнә техникумында
Яхшы укыганы өчен ,
ала стипендия...
Дәү әнием - алма апаем,
Алар һәрвакыт өйдә.
Буш вакытымда бик теләп
Булышам үзләренә.
Ә бүген бирегә килдем
Үземне күрсәтергә.
Татар кызы нинди була,
Күрерсез үзегез дә.