Уфадагы бер егет йөргән кызына 17 тапкыр пычак белән кадаган

(Казан, 21 декабрь, «Татар-информ»). Уфаның Калинин районында урнашкан бер кибеттә 26 яшьлек егет йөргән кызына 17 тапкыр пычак белән кадаган. Бу хакта Россия Федерациясе Тикшерү комитетының Башкортстан Республикасы буенча идарәсе матбугат хезмәте хәбәр итә.

Гадәттән тыш хәл кичә 23 яшьлек кыз егетенә бүтән очрашырга теләмәве хакында белдергәннән соң булган.

Җинаять кылгач, егет үз күкрәген пычак белән яралаган. Аны авыр хәлдә хастаханәгә озатканнар.

Әлеге факт буенча җинаять эше кузгатылган.

Чыганак: http://tatar-inform.tatar/news/2017/12/21/154730/