Ялгыз хатын яши үз җаена

Ялгыз хатын-бик бәхетле хатын,
Сугышырга аның ире юк.
Кайтып кереп нахак сүзләр әйтеп,
Әрнетергә җанын сүзе юк...

Ялгыз хатын-бик бәхетле хатын,
Ашый-эчә,йокысы тыныч.
Төннәр буе"доклад"тыңлыйсы юк,
Исерек ир чыгармый сугыш...

Ялгыз хатын-бик бәхетле хатын,
Балалар дип,яши шатланып.
Йорт тирәсе пөхтә,күңеле тыныч,
Юкка исраф итми тапканын...

Ялгыз хатын-бик бәхетле хатын,
Этеп-төртеп торган кеше юк.
Җайлап кына яши үз җаена,
Башкаларда аның эше юк...

Бирешми ул тормыш җилләренә,
Исе китми кеше сүзләренә.
Һич көнләшми кеше бәхетенә,
Урыны нык бәхет тәхетендә!