ЮХИДИ хәбәр итә

Юлларда «Куркынычсызлык атнасы» (Неделя безопасности) баруы турында язган идек. Ул 21-28 сентябрь көннәрендә дәвам итәчәк.
Шушы уңайдан Эчке эшләр бүлегенең ЮХИДИ бүлекчәсе хезмәткәрләре тарафыннан белем бирү учреждениеләрендә, балалар бакчаларында юл хәрәкәте куркынычсызлыгы буенча очрашулар оештырыла. Шундый очрашулар Олы Әтнәнең «Кояшкай» балалар бакчасында һәм Олы Әтнә урта мәктәбендә булып узды. Инспектор Рамил Гәрәев балаларга юлларда имин йөрү кагыйдәләрен аңлатып китте, сак булу кирәклеген кисәтте. Фотода Рамил Гәрәев Олы Әтнә мәктәбенең башлангыч сыйныф укучылары белән.