Күңгәр авылыннан 84 яшьлек Мөнирә апа да сайлауга килгән

84 яшьлек Мөнирә апа Шәдәлиева 1007 номерлы сайлау участогына килеп, Россия Президентын сайлауда үз тавышын бирде.

- Инде күптән лаеклы ялда булсак та, безне кешегә санап, өйгә кадәр килеп сайлауга чакыргач, үзем килергә булдым, - дип елмая Мөнирә апа. 

Гомер буе колхозда хезмәт куя Мөнирә апа.

- Колхозда сарык карадым. "Атказанган колхозчы" исеменә лаек булдым. Сайлаулардан бервакытта да калганым булмады, - диде ул.

Үз тавышын биреп, сайлау тартмасына бюллетенен салган вакытта Мөнирә апа изге теләкләрен теләде: "Елларыбыз тыныч булсын. Пенсияләребезне вакытында биреп торсыннар. Яшьләребезгә эш булсын", - диде.