Татарстан синоптиклары кырау һәм көчле җил турында кисәтә

Иртәгә, 18 сентябрьдә, Татарстанда янә кырау һәм көчле җил көтелә. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә.

Республиканың көнчыгышында төнлә һәм иртән томан төшәчәк. Шунда ук урыны белән -1 градуска кадәр кырау төшәргә мөмкин.

Моннан тыш, иртән һәм көндез төбәк территориясендә, шулай ук Казанда җил секундына 15-18 метр тизлек белән исәргә мөмкин.

чыганак: https://tatar-inform.tatar/news/ecology/17-09-2020/tatarstan-sinoptiklary-kyrau-m-k-chle-il-turynda-kis-t-5772239