Әтнәдә эшлекле сәфәр кысаларында Россия Герое Рәсим Рәшит улы Баксиков булды

Эшлекле сәфәр кысаларында Әтнә районында Татарстан Республикасы Хезмәт, халыкны эш белән тәэмин итү һәм социаль яклау министры урынбасары, Россия Герое Рәсим Рәшит улы Баксиков булды.
Визит барышында Рәсим Рәшит улы районның социаль өлкә вәкилләре белән очрашты, анда халыкны эш белән тәэмин итү, социаль яклау һәм дәүләт программаларын гамәлгә ашыру мәсьәләләре буенча актуаль сораулар каралды.

Рәсим Рәшит улының Әтнә районына эшлекле сәфәре социаль өлкәдәге хезмәттәшлекне ныгытуга, халыкны социаль яклау системасын камилләштерүгә һәм яңа бурычларны билгеләүгә юнәлтелгән иде. Бу сәфәр район халкының тормыш дәрәҗәсен күтәрүгә һәм социаль иминлеген тәэмин итүгә ярдәм итәчәк.