Бәяләр артудан зарланып кемгә шалтыратырга була?
Монополиягә каршы хезмәт бәяләрне спекулятив арттыруны ачыклау һәм булдырмауга юнәлтелгән атналык отчетны әзерләгәндә шушы белешмәләрне дә кулланачак.
Монополиягә каршы федераль хезмәтнең Татарстан буенча идарәсе бәяләр артуны контрольдә тоту өчен кайнар элемтә ачты. Бу турыда ведомство сайтында хәбәр ителә.
«Монополиягә каршы федераль хезмәтнең Татарстан Республикасы буенча идарәсе товарлар, хезмәтләр бәясе үзгәрү һәм аларның бармы-юкмы икәненә кагылышлы сораулар буенча гражданнардан мөрәҗәгатьләр кабул итүне оештыра.
Хәбәрләрне кабул итүне Монополиягә каршы федераль хезмәтнең Татарстан буенча идарәсенең монополиягә каршы бүлеге белгече Эмиль Альбертович Гыйбадуллин башкара», диелә хәбәрдә.
Шалтырату өчен номер: +7 987 273-57-70.
Әлеге белешмәләрне монополиягә каршы хезмәт бәяләрне спекулятив арттыруны ачыклау һәм булдырмауга юнәлтелгән атналык отчетны әзерләгәндә кулланачак, дип хәбәр итә ведомство.
Следите за самым важным и интересным в Telegram-каналеТатмедиа
Нет комментариев