Эльбрус тавында Россиянең биш төбәгеннән килгән альпинистлар һәлак булган

Эльбрус тауларына менгәндә туристлар һәлак булган. Мәрхүмнәр Санкт-Петербург, Төмән, Якутск, Екатеринбург һәм Тольятти шәһәрләреннән килгән. Бу турыда Тикшерү комитетына сылтама белән РИА Новости хәбәр итте.

Һәлак булучыларның дүртесе хатын-кыз, берсе ир-ат.

23 сентябрьдә 5,4 мең метр биеклектә һава торышы бозылу аркасында 19 турист ярдәм сорый башлый. Биш кеше үлә. Коткаручылар 14 кешене табибларга тапшыралар, аларның унберен хастаханәгә салалар. Ике кеше реанимациядә, өч кеше терапиядә, өч кеше пешүләр бүлегендә, ике кеше травматологиядә, бер кеше күкрәк читлеге органнары хирургиясе бүлегендә ята.

Шулай ук ике гид һәм аларның ике ярдәмчесе дә зыян күргән, алар да хастаханәдә.

Бүген мәрхүмнәрнең мәетләрнең өчесен тау итәгенә алып төшәргә җыеналар. Ике мәетне тикшерүчеләргә тапшырганнар инде.

Чыганак: https://intertat.tatar/news/incident/24-09-2021/elbrus-tavynda-rossiyane-bish-t-b-genn-n-kilg-n-alpinistlar-lak-bulgan-5838957