Илназ Сафиуллин «теге авыру» үзенә дә килеп җитүен хәбәр итте

Җырчы Илназ Сафиуллин авыруы турында инстаграмда хәбәр итте.

«Расланды. Теге авыру миңа да килеп җитте. Кичә компьютер томографиясе ясаттым, үпкәләр 25 процентка зарарланган, ике яклы пневмония. Иртәгә ПЦР ясыйлар. Шуннан соң тәгаен нәтиҗә була. Өйгә кайтарып җибәрделәр. Дәвалау билгеләделәр», — дип сөйли ул. 

Илназ Сафиуллин йогышлы авырулар хастаханәсенә хезмәткәрләренә, табибларга рәхмәт әйтә. «Кичә беренче тапкыр түләүсез медицина сыйфаты түләүле медицина сыйфатыннан шактый югары булуына инандым», — дип сөйли ул.

Хәзер Илназ дәвалана, витаминнар һәм күп итеп су эчә икән.

Инстачылар Илназга сәламәтлек тели, якыннарын сакларга киңәш итәләр.

 Чыганак : https://intertat.tatar/news/social/22-10-2020/ilnaz-safiullin-tege-avyru-zen-d-kilep-it-en-h-b-r-itte-5780546