Музейда кунак булдылар

Иске Кишет авылы китапханәсе мөдире һәм шул ук авылдагы Советлар Союзы герое Гани Сафиуллин музее директоры Габитова Гөлфия Әмин кызы җитәкчелегендә Иске һәм Яңа Кишет авылы китап сөючеләре, Иске Кишет авылы клубы хезмәткәрләре, "Ак калфак" клубына йөрүчеләр һәм авыл мөгаллимәләре белән, Өлкәннәр көненә багышлап, Гатаулла бай Даутов йортына, ягъни "Туган якны өйрәнү музеена" кунак булып килделәр. Без аларны экскурсия рәвешендә музеебыз белән таныштырдык. Кунакларыбыз өлкән яшьтәге абый-апалар булу сәбәпле, үткәннәренә кайтып, искә алып, күп мәгълүмат туплап, киләсе экскурсияне С. Хәким һәм Ш. Мәрҗәни музейларына юнәлтәбез дип, хушлаштылар.