Сибгат Хәкимнең туган көне уңаеннан әдәби- музыкаль кичә үтте

Кичә барышында Сибгат Хәкимнең тормыш юлына һәм иҗатына багышланган слайд-шоу күрсәтелде. Авылдашлары аның шигырьләрен яттан сөйләделәр, ә мәктәп укучылары шагыйрьнең сүзләренә язылган җырларны башкардылар. Кичәдә катнашучылар Сибгат Хәкимнең туган якка булган мәхәббәтен, аның иҗатының халык күңеленә якын булуын ассызыкладылар.

Мөхәмәтҗанова Әлфинә  үзенең чыгышында Сибгат Хәкимнең Әтнә төбәге өчен әһәмиятен билгеләп үтте. Ул шагыйрьнең туган як тарихын саклауда, яшь буынны рухи кыйммәтләргә өйрәтүдә зур роль уйнавын әйтте. Шулай ук Сибгат Хәкимнең тормышы һәм иҗаты музееның эшчәнлеге турында сөйләде, киләчәктә дә шагыйрьнең истәлеген мәңгеләштерү буенча эш алып барылачагын белдерде.

"Туган як - мәңгелек моңым" кичәсе Сибгат Хәкимнең иҗатын хөрмәтләү, аның мирасын саклау максатыннан оештырылган иде. 

Әлеге әдәби-музыкаль кичә Сибгат Хәкимнең иҗатына булган ихтирамны тагын бер кат күрсәтте. Шагыйрьнең шигырьләре, җырлары киләчәктә дә яңгырап, халык күңеленә рухи азык бирәчәк. Аның исеме мәңгегә Әтнә төбәге тарихында сакланачак.