Тагын өч татарстанлы Covid-19дан вафат булган

Коронавирус тагын өч татарстанлының гомерен өзгән.

Инфекциядән 1935 елгы хатын-кыз, шулай ук 1936 һәм 1950 елгы ике ир-ат вафат булган. Бу хакта ТР Сәламәтлек саклау министрлыгының матбугат хезмәте хәбәр итә.

«Үлем сәбәпләре патолого-анатомик экспертиза нәтиҗәсендә билгеләнде», — диелә республика ведомствосы хәбәрендә.

Шулай итеп, коронавирустан пандемия вакытында Татарстанда 426 кеше үлгән.

Чыганак: https://tatar-inform.tatar/news/health/05-04-2021/tagyn-ch-tatarstanly-covid-19dan-vafat-bulgan