Юл һәлакәтендә бер кеше үлгән, өч кеше, шул исәптән бала имгәнгән

Республиканың Биектау районында Казан-Малмыж юлында бүген ике «Лада» автомобиле кара-каршы бәрелешкән.

Каты бәрелешүдән соң «ундүртенче» модельле «Лада» машинасы юл кырыена төшеп киткән һәм баганага бәрелгән. Бу турыда «Татар-информ» агентлыгына фаҗига шаһитлары хәбәр итте. 

«Юл һәлакәтендә бер кеше үлгән. Ашыгыч ярдәм хезмәткәрләре өч кешене, шул исәптә тугыз яшьлек кызны хастаханәгә алып киткән. Баланың аягы сынган булырга мөмкин», — дип хәбәр итте шаһитлар. 

Чыганак:https://tatar-inform.tatar/news/incident/26-05-2021/tatarstanda-yul-lak-tend-ber-keshe-lg-n-ch-keshe-shul-is-pt-n-bala-img-ng-n-5824712