4 ноябрь – Халыклар бердәмлеге көне, ул тирән мәгънәгә ия, безне бердәм булырга, ата – бабаларыбызның каһарманлыгын хөрмәт итәргә өйрәтә.
Бу көн – илебез тарихына хөрмәт белдерү һәм аның традицияләрен дәвам иттерүнең бер күркәм билгесе. Шушы бәйрәм алдыннан зурлар (2) төркемендә тематик эшчәнлекләр узды. Балаларга күптәнге вакыйгалар, Ватаныбызның азатлыгы һәм бәйсезлеге өчен берләшкән ата – бабаларыбызның батырлыклары турында презентация тәкъдим ителде.Россиянең дәүләт символлары: флаг, герб, гимн турында белемнәрен ныгыттылар. Музыка эшчәнлегендә милли киемнәрдә биюләр башкардылар, татар һәм рус халык уеннарын теләп уйнадылар. Балалар кечкенәдән бер – берсен хөрмәт итергә, сакларга, тату булырга кирәклегенә инандылар.
Нет комментариев