Татарстанда соңгы тәүлектә 71 яңа очрак теркәлде. Әтнәдә карантинда утыручылар бар

Әтнәдә әлегә авыручы юк.  Тирә-як районнарда авыручылар саны көннән-көн арта. 

- Коронавирус белән теркәлгән кеше юк. Казанга илткән пневмония белән  авыручы бар. Анализлары әле әзер түгел.  Аның белән аралашучы 9 кеше  барысы да саклану  таләпләрен үтәп, карантинга утыртылды, - ди  район үзәк больницасының баш табиб урынбасары Гөлия Фәрит кызы Мифтахетдинова.

Татарстанда соңгы тәүлектә коронавирус белән зарарлануның 71 яңа очрагы ачыкланган. Аларның 10сы читтән кертелгән, калганнары элек авырып киткән кешеләр белән элемтәгә кергән. Республикада авыручыларның гомуми саны - 562. 

11 пациент госпитализацияләнгән, авыруның җиңел яки симптомсыз формасы булган 60 кеше өйдә амбулатор дәвалана.

Авыручыларның географиясе: 
 Казан-38

 Яр Чаллы – 4

 Арча – 2

Балтач – 5

Буа районы-1

 Биектау – 2

Алабуга – 1

 Лаеш районы-3

 Түбән Кама – 7

Яңа Чишмә – 1

Питрәч – 3

 Саба – 2

Сарман – 1

 Чистай – 1