Әтнә экваторга якынлаша

Быелгы урак дәвам итә. Республика авыл хуҗалыгы һәм азык-төлек министрлыгының 23 августка биргән оператив мәгълүматлары буенча, барлык мәйданнарның 47 процентында урып җыелды. Уракның яртысына - экваторга якынлашабыз. Безнең Әтнә районы буенча да шул чама тәшкил итә, ә алдагы көннәрдә тагын да артыр дигән өмет бар. Чөнки процентлата исәпләсәк, соңгы көнне Татарстанда иң зур сан - Әтнәдә. Барысы 6,3 процент мәйданнарда - 1,2 мең гектарда урып җыйдык. Район буенча уртача уңыш һәр гектардан 32,8 центнер.