"Алга китеш зур..."

Түбән Кама шәһәрендә Татарстанның атказанган спорт мастеры Данил Галиев истәлегенә багышланган XXV көрәш турнирында 300 спортсмен катнашкан.

Көрәшчеләребезнең бәйгегә киткәнлеге хакында хәбәр иткән идем. "Аллага шөкер, тренер Руслан Сафин алып киткән ир-егетләребез исән сау-кайтты,- дип хәбәр итте спорт мәктәбе директоры Ирек Мөхәммәтшин. - 50 дән артык команда арасында Әтнә - 15 урында. Хәтта, Чаллы, Алабуга шәһәрләре бездән арттарак. Алга китеш тә байтак, зурлар арасындагы көрәштә без гадәттә 30 нчы урында гына була идек..."

Тырышлык, даими шөгыльләнү нәтиҗәсен бирми калмый шул. Катнаша алуы гына да ни тора бит. Үрләре алда булсын, җиңүләре дә.