Кагыйдәләр кабат үзгәрә - "Әтнә таңы"

"1 июльдән юл хәрәкәте кагыйдәләренә яңа үзгәрешләр кертелде, - дип хәбәр итә Эчке эшләр бүлегенең ЮХИДИ бүлекчәсе җитәкчесе Рифат Нурмехәмәтов. Хәзер 7 яшькә кадәр нәни пассажирларны бары автокреслода гына йөртергә мөмкин. Төрле утыргыч яисә бустерлар катгый тыела. 7 яшьтән өлкәнрәкләрне автокреслода яисә креслосыз йөртеп тә була, әмма балага куркынычсызлык каешы тагылган һәм ул арткы утыргычта булырга тиеш. Шулай ук 12 яшькә кадәр балаларны алгы утыргычта махсус утыргычсыз йөртү дә тыела. Тагын бер яңалык - 7 яшькә кадәрге сабыйларны машинада үзен генә калдырырга ярамый. Моның өчен әти- әнине административ җәзага тарту каралган. "