"Кем сүз әйтә..."

Чистарту икеайлыгы... хәер, ел буе иң йөрәккә тигәне шушы чүпләр инде. Кышын да,язын да, җәен дә чисталыкны саклый белмибез. Гаепле дә юк, һәркем үзенчә хаклы заманда яшибез бит. Ә район үзәгендә шушы хәл. Авыл җирлеге башкарма комитеты җитәкчесе үзенекен сөйли, коммуналь хуҗалык үзенекен... Аңлап була икесен дә. Ә чүпләргә карагач, җан әрни. Юл өстендә бит.

-Трактор йөреп тора, бер авылда да мондый хәл юк, бары Әтнәдә, трактор китә, чыгарып өяләр...- йөри торгандыр. Тик урыны- урыны белән атна буе торган чүпләр дә бар. Килешү нигезендә чүпләр капка алдыннан гына алынырга тиеш, ә бу багана төпләренә, "Мин чүпне чыгармыйм, ягам", дип, чүп өчен акча түләмәүчеләр чыгара, - диләр.

Алтын урталыкны ничек табасы? Бәлки район башлыгының киңәшен тотып протокол төзи башларгадыр, "Кесәдән акча чыгарып түли башламыйча, чистарынып булмый,"- ди ул. Дөрес әйтәме? Бәлки...

- Капчык төягән чүпләрне урам чатларына калдырганчы машинагыз белән чүп полигонына менгезегез, кем сүз әйтә, каравылчыга әйтелгән, берәүне дә кире бормаячак...- ди коммуналь хуҗалык җитәкчесе Рамил Сәфәров.

Ахыр чиктә, катгый адымга барып, штраф түләтә башламагайлары, экологлар да киләсе...